മതേര്‍സ് ഡേ സ്പെഷ്യല്‍.!

ഇത് ജപ്പാനില്‍ ഭൂമി കുലുക്കമുണ്ടായ സമയത്ത് സംഭവിച്ച ഒരു സ്നേഹ നിധിയായ അമ്മയുടെ ത്യാഗത്തിന്റെ കഥ.
ഭൂമി കുലുക്കമുണ്ടായ ശേഷം ,രക്ഷാ പ്രവര്‍ത്തനം നടത്തുന്ന സൈനികര്‍ ഒരു യുവതിയുടെ തകര്‍ന്നടിഞ്ഞ വീടിനടുത്തെത്ത്തി അപ്പോള്‍ തകര്‍ന്നടിഞ്ഞ വീടിന്റെ അവശിഷ്ട്ടങ്ങള്‍ക്കിടയിലൂടെഅവര്‍ ആ യുവതിയ്ടെ മൃത ശരീരം കണ്ടു.പക്ഷെ അവളുടെ ആ കിടത്തില്‍ അവര്‍ക്കെന്തോ ഒരു അസ്വാഭാവികത തോന്നി. മുന്നിലേക്ക് ചാഞ്ഞു നിലത്ത് നെറ്റി ക...ുത്തികൊണ്ട്, ഒപ്പം അവളുടെ രണ്ടു കൈ കൊണ്ട് എന്തോ ഒന്നിനെ മാറോട് ചേര്‍ത്ത് പിടിച്ചത്‌ പോലെ. തകര്‍ന്നടിഞ്ഞ വീടിന്റെ അവശിഷ്ട്ടങ്ങള്‍ അവളുടെ മുതുകിലും , തലയിലുമായി ചിതറികിടക്കുന്നു.

Rescue TEAM ന്റെ ലീഡര്‍ ഒരു പാട് ബുധിമുട്ടികൊണ്ട് ചുമരിലെ ഒരു ചെറിയ വിള്ളലിലൂടെ കയ്യിട്ട് ആ സ്ത്രീയെ ഒന്നെത്തി പിടിക്കാന്‍ ശ്രമിച്ചു.അങ്ങനെ അദ്ദേഹം ചെയ്യുമ്പോള്‍ അദ്ദേഹത്തിന്റെ മനസ്സില്‍ ഒരു ചെറിയ പ്രതീക്ഷ ഉണ്ടായിരുന്നു. ആ സ്ത്രീ ഇപ്പോഴും ജീവിച്ചിരിപ്പുണ്ട് എന്ന്.പക്ഷെ തണുത്ത് വിറങ്ങലിച്ച ആ ശരീരം കണ്ടപ്പോള്‍ അവള്‍ മരിച്ചു എന്ന് അവര്‍ക്ക്‌ ഉറപ്പായി .
ടീം ലീഡറും ബാകിയുള്ളവരും ആ വീട് വിട്ടു മറ്റു വീടുകളുടെ അവശിഷ്ട്ടങ്ങള്‍കിടയില്‍ തുടിക്കുന്ന ഏതെന്കിലും ഒരു ശരീരം കിടപ്പുണ്ടോ എന്ന് തിരയാന്‍ തുടങ്ങി.പക്ഷെ ഏതോ ഒരു കാരണം ആ ടീം ലീടരെ മരിച്ചു പോയ ആ യുവതിയുടെ വീടിന്റെ അടുക്കലേക്ക് തന്നെ തിരിച്ചു പോകാന്‍ നിര്‍ബന്ദിച്ചു,അദ്ദേഹം മുട്ട് കുത്തിനിന്ന് അവിടെ കണ്ട ഒരു ചെറിയ വിടവിലൂടെ കയ്യിട്ട് ആ ശരീരത്തിന്റെ അടിയില്‍ കണ്ട ചെറിയ സ്ഥലത്ത് തിരയാന്‍ തുടങ്ങി.പെട്ടെന്ന് ,അദ്ദേഹം ഉറക്കെ വിളിച്ചു പറയാന്‍ തുടങ്ങി ,” ഒരു കുട്ടി !ഇവിടെ ഒരു കുട്ടി ഉണ്ട്! “
എല്ലാവരും ഒരുമിച്ച് ശ്രമിച്ചു; ശ്രദ്ധയോടെ ആ സ്ത്രീയുടെ മുകളില്‍ വീണു കിടക്കുന്ന കല്ലും മണ്ണും എടുത്തു മാറ്റി.അവിടെ ആ അമ്മയുടെ ശരീരത്തിനടയില്‍ വെറും മൂന്നു മാസം മാത്രം പ്രായമുള്ള ഒരു പിഞ്ചു കുഞ്ഞ്‌,ഒരു കമ്പിളി പുതപ്പില്‍ പുതച്ച് കൊണ്ട്. തീര്‍ച്ചയായും ആ സ്ത്രീ തന്റെ ജീവന്‍ കൊടുത്ത് അവളുടെ മകനെ രക്ഷിക്കാന്‍ ശ്രമിച്ചിരിക്കുന്നു.അവളുടെ വീട് തകര്‍ന്നു വീഴുമ്പോള്‍ തന്റെ ശരീരം കൊണ്ട് തന്നെ തന്റെ മകനെ രക്ഷിക്കാന്‍ ശ്രമിച്ചു.ടീം ലീഡര്‍ ആ കുഞ്ഞിനെ പോക്കിയെടുക്കുമ്പോഴും അവന്‍ ശാന്തമായി ഉറങ്ങുകയാണ്.
കുട്ടിയെ ചികില്‍സിക്കാന്‍ ഡോക്ടര്‍ ഓടി വന്നു.‍കുട്ടിയെ പുതച്ച പുതപ്പ് തുറന്നപ്പോള്‍ ഡോകടര്‍ ഒരു സെല്‍ ഫോണ്‍ കണ്ടു. അതിന്റെ സ്ക്രീനില്‍ ഒരു ടെക്സ്റ്റ്‌ മെസ്സേജ് ഉണ്ടായിരുന്നു.” രക്ഷപ്പെടുകയാണെങ്കില്‍ നീ ഓര്‍ക്കണം ഞാന്‍ നിന്നെ ഒരു പാട് സ്നേഹിച്ചിരുന്നു എന്ന്".("If you can survive, you must remember that I love you.”) ആ സെല്‍ ഫോണ്‍ ഓരോരുത്തരായി കൈമാറി എല്ലാവരും ആ മെസ്സേജ് വായിച്ചു കരഞ്ഞു.”രക്ഷപ്പെടുകയാണെങ്കില്‍ നീ ഓര്‍ക്കണം ഞാന്‍ നിന്നെ ഒരു പാട് സ്നേഹിച്ചിരുന്നു എന്ന്.” അതാണ്‌ ഒരമ്മക്ക് മക്കളോടുള്ള സ്നേഹം....

Like nd Share if u ♥ Ur Mom

ഓര്‍മ്മക്കുറിപ്പ്

Bharathannoor Shameer,                                                                                              

    ഇന്ന് മാതൃദിനം..ഓര്‍ത്ത്പോകുന്നു ആ അമ്മയെ. അവര്‍ പറഞ്ഞ വാചകത്തെ., ഇടുക്കി തൊടുപുഴക്ക് അടുത്തെ വൃദ്ധ സദനത്തില്‍ ഒരുപാട് അമ്മമാര്‍ക്കിടയില്‍, ഒരാള്‍. മൂന്നുമക്കളും അവരെ നിര്‍ദയം അവരെ ഉപേക്ഷിച്ച് കളഞ്ഞു. അവര്‍ക്കിഷ്ടം, ഏറ്റവും ഇളയ മകനോടായിരുന്നു. കാരണം അവനെ ഗര്‍ഭം ധരിച്ചപ്പോഴും പ്രസവിച്ചപ്പോഴുമായിരുന്നു, അവര്‍ ഏറ്റവും കൂടുതല്‍ വേദന തിന്നത്. അവരുടെ വാക്കുകള്‍ ഇവിടെ കുറിക്കുന്നു..'അടിയന്തിരാവസ്ഥ, പ്രഖ്യാപിച്ച കാലമായിരുന്നു അത്. ഗര്‍ഭിണിയായിരിക്കെ എന്റെ കുഞ്ഞ് ഗര്‍ഭപാത്രം പൊട്ടി പുറത്ത്വന്നു. ആ അവസ്ഥയില്‍ അമ്മയും കുട്ടിയും രക്ഷപ്പെടില്ല എന്നാരക്കയോ പറയുന്നത് ബോധം മറയുന്നതിനുമുമ്പ് ഞാന്‍ കേട്ടു. അപ്പോള്‍ ഞാന്‍ പ്രാര്‍ത്ഥച്ചതാകട്ടെ എന്നെയെടുത്ത ശേഷം കുഞ്ഞിനെ രക്ഷപ്പെടുത്തണമെന്നായിരുന്നു. പക്ഷെ ദൈവം ഞങ്ങളെ രണ്ടുപേരെയും രക്ഷപ്പെടുത്തി., ആ മകനാണ് എന്നെ നിര്‍ദയം മറ്റ്മക്കളോടൊപ്പം ചേര്‍ന്ന് എന്നെ അവരുടെ വീടുകളില്‍നിന്ന് തല്ലിയോടിച്ചത്....

പാലോട് കാര്‍ഷിക മേള ...

മുഹമ്മദ്‌ സാദിര്‍ഷ പാലോട് 

പാലോട് .പാലോട് കാര്‍ഷിക കലാ വ്യാപാര മേള നാല്പത്തി ഒന്‍പതാം വര്‍ഷത്തിലേക്ക് ."ഞാറ്റു പാട്ടിന്റെയും കൊയ്ത്തു പാട്ടിന്റെയും സംഗീതം സ്വന്തം സാംസ്കാരിക സംഗീതമാക്കി മാറ്റിയ പാലോടെന്ന മലയോരഗ്രാമത്തിന്റെ സാംസ്കാരിക പൈതൃകത്തിനു തനതു മുഖം സമ്മാനിച്ച പഴമകാരന്റെ കാള ചന്ത "  പാലോടിന്റെ കാര്‍ഷിക മുഖം വിളിചോടുന്ന പഴയ ഈരടികള്‍ ചുണ്ടില്‍ മുഴങ്ങുകയായി .2012  ഫെബ്രുവരി ഏഴാം തീയതി നാല്പത്തി ഒന്‍പതാം മേളക്ക് തിരിതെളിയുംപോള്‍ നാടും നഗരവും നീണ്ട പത്തു ദിവസത്തെ ആരവങ്ങളിലും ആഘോഷങ്ങളിലും മുഴുകുകയായി .മണ്ണിന്റെ മനമറിഞ്ഞു മണ്ണില്‍ വിത്തെറിഞ്ഞ നമ്മുടെ കര്‍ഷകന്റെയും കാര്‍ഷിക വൃത്തിയുടെയും ഒര്മാപെടുതലാണ് ഓരോ മേളയും നമുക്ക് സമ്മാനികുന്നത്.കാര്‍ഷിക മേഖലയും കൃഷിയും നമുക്ക് അന്യം നിന്നുപോകുന്ന ഒരു കാലഗട്ടതിലാണ് നമ്മള്‍ ജീവികുന്നത് .കൃഷിയും കര്‍ഷകനും നമ്മുടെ സാംസ്കാരിക പൈതൃകത്തിനു മുതല്കൂട്ടാനെന്നു വിളിചോടുക കൂടിയാണ് ഈ കാര്‍ഷിക മേള ചെയ്യുന്നത് .അതുകൊണ്ടാണ് അത്രയും പ്രാതന്യതോടുകൂടി കാര്‍ഷിക വിളകളുടെ ഒരു വന്‍ പ്രദര്‍ശനം തന്നെ മേളയില്‍ എല്ലാ വര്‍ഷവും സംഘടിപികുന്നത് .എല്ലാതരം ആളുകളെയും ആകര്‍ഷിക്കുന്ന വിതതില്ലാണ് .മേളയുടെ നടത്തിപ് .തെക്കന്‍ കേരളത്തിലെ പ്രതാനപെട്ട ഉത്സവങ്ങളില്‍ ഒന്നായ പാലോട് മേള നടതപെടുന്നതിനു സ്വന്തമായി ഒരു സ്ഥലം എന്നത് ഇപ്പോഴും ഒരു സ്വപ്നമായി തുടരുന്നു .എല്ലാവര്‍ഷവും അതികാരികളുടെ ഭാഗത്ത്‌ നിന്നും അനുകൂലമായ മറുപടി ഉണ്ടാകുമെങ്കിലും മേള കഴിയുന്നതോടെ അത് മറന്നുപോകുകയാണ് പതിവ് 

            പാലോട് മേള ഇത്രയേറെ വളര്തികൊണ്ട് വരുന്നതിനു ഒരുപാട് മഹാരഥന്മാരുടെ സംഭാവന ഉണ്ട് .അതില്‍ പ്രതാനിയായിരുന്നു നമ്മളെ വിട്ടുപിരിഞ്ഞ ശ്രീ ശിവതാണുപിള്ള .നാല്പതു വര്‍ഷത്തെ മികച്ച നേതൃത്വത്തിന്റെ പ്രതീകമായാണ് പാലോട് നിവാസികള്‍ അദേഹത്തെ ഓര്‍ക്കുക .പെരിങ്ങമ്മല,നന്നിയോടെ .വിതുര ,പാങ്ങോട് പഞ്ചായത്തുകളിലെ കമ്മുനിസ്റ്റ്‌ പാര്‍ടിയുടെ വളര്‍ച്ചക്ക് അദേഹത്തിന്റെ പങ്കു വളരെ വലുതായിരുന്നു.പെരിങ്ങമ്മല ജില്ലാ കൃഷിതോട്ടം ,ചെട്ടച്ചാല്‍ ജഴ്സിഫാം .എന്നിവിടങ്ങളില്‍ തൊഴിലാളികളെ സംഘടിപികുന്നതിനും അദേഹം നേതൃത്വം വഹിച്ചിട്ടുണ്ട്‌ .1963ല്‍പലോടെ മേള ആരംഭികുംപോള്‍ അതിന്റെ സംഘാടകന്‍ ആയിരുന്നു അദേഹം കഴിഞ്ഞ വര്ഷം നവംബര്‍ ഇരുപതാം തീയതി അദേഹം ഈ ലോകത്തോട് വിട പറഞ്ഞു നാല്പത്തി ഒന്‍പതാമത് മേള അദേഹത്തിന്റെ ഒരു ഓര്മ പുതുക്കല്‍ കൂടിയാകും . ആദ്യകാലത്ത് മേളയില്‍ കലാ തീയറെര്സ് എന്നപേരില്‍ ഒരു സമിതി രൂപികരിച്ചു കലാപരിപാടികള്‍ നടത്തിയിരുന്നു .കിളിമാനൂര്‍ കാര്‍ഷിക ഗ്രാമ വികസന വൈസേ പ്രസിടന്റ്റ് ,സി ,പി ,ഐ മണ്ഡലം സെക്രെട്രി എന്നീ നിലകളില്‍ പ്രവര്‍ത്തിച്ചു .

             മണ്‍ മറഞ്ഞുപോയ മഹാരഥന്മാരുടെ ഓര്‍മകളില്‍ ഒരു കാര്‍ഷിക മേള കൂടി  വിളിപാടെ   അകലെ  എത്തി നില്കുന്നു .നാടിന്റെ സംസ്കാരികതയും ,നന്മയം സാഹോദര്യവും ഊട്ടി ഉറപികാന്‍ പാലോട് മേളക് കഴിയട്ടെ എന്നാശിക്കുന്നു .എല്ലാവിത ആശംസകളോടെ ...............

പുണ്യങ്ങളുടെ പാതയില്‍ മതസൗഹാര്‍ദത്തിന്റെ കമാനം

-എഡിറ്റര്‍

പാലോട്: കാല്‍നൂറ്റാണ്ടുകാലമായി തങ്ങള്‍ പുലര്‍ത്തിവരുന്ന മതമൈത്രി മറ്റുള്ളവര്‍ക്കും മാതൃകയാകണമെന്ന് ഇലവുപാലത്തുകാര്‍ ആഗ്രഹിക്കുന്നു. ഇതിന്റെ സാക്ഷാത്കാരമാണ് 'പുണ്യങ്ങളുടെ പാതിയിലെ സൗഹൃദത്തിന്റെ കമാനം'.

ഇടതുഭാഗത്ത് ദാറുല്‍ ഇസ്‌ലാം ജമാഅത്ത് പള്ളിയുടെയും വലതുഭാഗത്ത് കല്ലുമല തമ്പുരാന്‍ ദേവിക്ഷേത്രത്തിന്റെയും പേരുകളാണ്. മധ്യഭാഗത്ത് 'ജാതിഭേദമെന്യേ ഏവര്‍ക്കും സ്വാഗതം' എന്ന സ്വീകരണവാചകവുമെഴുതിയിട്ടുണ്ട്. ഇലവുപാലം അടിപറമ്പ് റോഡില്‍ സ്ഥാപിച്ചിരിക്കുന്ന കമാനം തിരുവനന്തപുരം-ചെങ്കോട്ട റോഡിലെ യാത്രക്കാര്‍ക്ക് വേറിട്ടകാഴ്ചയാകുന്നു. മണ്ഡലകാലത്ത് ഇതുവഴിവരുന്ന ആയിരക്കണക്കിന് അയ്യപ്പഭക്തര്‍ക്ക് 'ശബരിമല-വാവരുപള്ളി'യെ അനുസ്മരിപ്പിക്കുന്ന കാഴ്ചകൂടിയാണിത്.

ഇലവുപാലം ഗ്രാമം മതസൗഹാര്‍ദത്തിന് പണ്ടേ പേരുകേട്ടിരുന്നു. പള്ളിയില്‍ നടക്കുന്ന മതവിജ്ഞാനസദസ്സിന് അമ്പലംകമ്മിറ്റിയില്‍നിന്നും അമ്പലത്തില്‍ നടക്കുന്ന മണ്ഡകാല ഉത്സവത്തിന് പള്ളിക്കമ്മിറ്റിയില്‍നിന്നും കൈയും മെയ്യും മറന്നാണ് ജനം ഒന്നിക്കുന്നത്. മതഭേദമില്ലാത്ത ഈ ഒത്തുചേരലുകളാണ് 'സൗഹാര്‍ദകമാനം' എന്ന ആശയത്തിലെത്തിച്ചത്.

മുസ്‌ലിം യുവജന ഫെഡറേഷന്റെയും ക്ഷേത്രക്കമ്മിറ്റിയുടെയും നേതൃത്വത്തില്‍ നാടുകാര്‍തന്നെ ഇതിനുള്ള പണം സ്വരൂപിച്ചു. ഒരുലക്ഷം രൂപ നിര്‍മാണച്ചെലവ് പ്രതീക്ഷിച്ച കമാനം 60,000 രൂപയ്ക്ക് പണിതീര്‍ത്തു.

ഇടതുഭാഗത്ത് 'പിറയും നക്ഷത്രവും' വലതുവശത്ത് 'ഓം' ചിഹ്നവും മധ്യഭാഗത്തായി 'കുരിശും' പണിതീര്‍ത്തു.

വേവലാതി

നസീം പാലോട് 

                 പ്രിയദര്‍ശന്‍ , കമല്‍, ഷാഫി,സജിസുരേന്ദ്രന്‍ തുടങ്ങിയ മുന്‍നിര സംവിധായകാരുടെ സിനിമകള്‍ ഷൂട്ടിംഗ്‌ പൂര്‍ത്തിയായി കാത്തിരിക്കുന്നു ,ചിലത് നടന്നുകൊണ്ടിരിക്കുന്നു ,കലാമൂല്യമുള്ള സിനിമള്‍ ഇറങ്ങുന്ന ചുരുക്കം ചില സംസ്ഥാനങ്ങളില്‍ ഒന്നാണ് നമ്മുടെ കേരളം . ഇവിടെ തമിഴും ,ഹിന്ദിയും ,തുടങ്ങി
അന്യ ഭാഷ സിനിമകള്‍ കേരളത്തില്‍ വിജയം ആകോശിച്ചു തീമിര്‍ക്കുന്നു .......നമ്മള്‍ മലയാളികള്‍ അവര്‍ക്കൊപ്പം ചേരുന്നു.കാരണം .നമുക്ക് നല്ല സിനിമകള്‍ സമ്മാനിച്ചത്‌,അവരായത്കൊണ്ട് .സമരങ്ങള്‍ ആരുടെ പേരിലായാലും
എന്തിനു വേണ്ടിയായാലും ,അന്യ ഭാഷകളുടെ കടന്നുകയറ്റവും , സന്തോഷ് പണ്ടിട്ടുമാരുടെ
വിജയാവകാശവും മലയാള സിനിമയുടെ പോരേയ്മാകള്‍ക്ക് നേരേയുള്ള മറുപടിയാണ്‌  .'മലയാള സിനിമ വെറും ഓര്‍മകള്‍ മാത്രമാകും',എന്ന് ഒരു  സംവിധായകന്‍ ആശങ്ക പ്രകടിപ്പിച്ചത് ഇ അടുത്ത സമയത്താണ്  അദ്ദേഹത്തിനും ഈ എളിയവനേപോലെ മലയാള സിനിമയെ കുറിച്ചോര്‍ത്തു ''വേവലാതി ''
ഉണ്ടെന്നറിഞ്ഞതില്‍ വളരെ  സന്തോഷം 

മക്കയില്‍ നിന്നും ചുള്ളിമാനൂരിലേക്ക് എത്രദൂരം

സമ്പാദനം: എഡിറ്റര്‍

ഗൃഹാതുരതയുടെ മൂക സാക്ഷികള്‍ ..

മുഹമ്മദ്‌ സാദിര്‍ഷ പാലോട്

തണുപ്പുള്ള ഒരു സായഹ്നം മഞ്ഞു മൂടി കിടക്കുന്ന പാതയോരത്തിലൂടെ .തണുത്ത കാറ്റ് ഏറ്റു നടന്നു നീങ്ങുകയായിരുന്നു ഞാന്‍ എന്റെ മനസിന്റെ മാസ്മരികതയില്‍ ശതകോടി റോസാ പുഷ്പങ്ങള്‍ വിടര്‍ന്നു മഞ്ഞു തുള്ളി ഏറ്റുവാങ്ങി എന്തിനോ വേണ്ടി കൊതിച്ചു നില്കുന്നത് പോലെ തോന്നി .വസന്തകാലത്തിലെ പ്രഭാതം നനുത്ത നാട്ടു വഴികള്‍ .ഹൃദയം തന്ത് വിറകുന്നതുപോലെ തോന്നി എന്റെ ഹൃദയം ചൂടിനു വേണ്ടി കൊതിച്ചു .തണുത്ത പകലുകള്‍ ഹൃദ്യമാണ്‌ ആകാശത്തിന്റെ അനന്ത വിഹായസിലെക് പറക്കാന്‍ തോന്നും .മഞ്ഞു തുള്ളികള്‍ നെറുകയില്‍ പതികുംപോള്‍ വല്ലാത്തൊരു അനുഭൂതിയാണ് .പൈന്‍ മരങ്ങള്‍ പ്രണയത്തിന്റെ പ്രതീകമാണ് എന്റെ ക്യാമ്പസിന്റെ നിശ്വാസമാണ് .ഓരോ നിശ്വാസവും സമ്മാനികുന്നത് പ്രണയത്തിന്റെ തീവ്രതയാണ് .കലാലയത്തിന്റെ വേലി കെട്ടുകള്‍കു അകത്തു പടര്‍ന്നു പന്തലിച്ചു നില്‍കുന്ന ഓരോ വൃക്ഷതിനും പറയാനുണ്ടാകും ഒരു പ്രണയത്തിന്റെ കഥ അത് ചിലപ്പോള്‍ അവന്റെയോ അവളുടെയോ നൊമ്പരങ്ങള്‍ ആകാം .കാലത്തിന്റെ മൂക സാക്ഷിയായി .കലാലയത്തിന്റെ ഹൃദയതുടിപുകള്‍ ഏറ്റുവാങ്ങി ആ വൃക്ഷ രാജക്ന്മാര്‍ അങ്ങനെ നിലനില്‍കുന്നു .ഗൃഹാതുരതയുടെ ഈ മൂക സാക്ഷികള്‍ എത്രയെത്ര വാക്ക് ദ്വോരണികള്‍ ഏറ്റു വാങ്ങിയിര്കുന്നു പക്ഷം പിടികാതെ നെഞ്ചകം കാട്ടി എത്ര ഏറുകള്‍ തടുതിരികുന്നു .ക്യാമ്പസുകളുടെ ഭംഗി ആവാഹിച്ചു നിലകൊള്ളുന്നത് വൃക്ഷ മുതക്ഷന്മാരിലൂടെയാണ് സ്വസ്ഥമായിരുന്നു സൊറ പറയാന്‍ ചെത്ത്‌ ഭാഷയില്‍ പറഞ്ഞാല്‍ ഒന്ന് സൊള്ളാന്‍ വൃക്ഷങ്ങള്‍ തണലെകിയില്ലെങ്കില്‍ പിന്നെ എന്ത് കലാലയം .വികസനത്തിന്റെ ബലിയാട് ആകാതിരിക്കാന്‍ ക്യാമ്പസുകള്‍ കോടി പിടികട്ടെ .ഗൃഹാതുരതയുടെ മൂക സാക്ഷികളെ നിലനിര്തട്ടെ                        

പ്രവാസി

(മുഹമ്മദ്‌ സാദിര്‍ഷ അബുദാബി)
 
മരുഭൂമിയിലെ ചുട്ടുപൊള്ളുന്ന മണലില്‍ ചോര നീരാക്കി അയാള്‍ കാശുണ്ടാക്കി .നാട്ടിലുള്ളവരെയോകെ രക്ഷപെടുത്തി .അവസാനം അയാള്‍ വിമാനം കയറി സ്വന്തം നാട്ടില്‍ തിരിച്ചെത്തി .തളര്‍ന്നു അവശനായ അയാളില്‍ പ്രത്യാശ നാമ്പിട്ടു .ശിഷ്ട്ടകാലം സമാതാനത്തോടെ കഴിയണം .പാര്ടികാരും പിരിവുകാരും ആയിരങ്ങള്‍ ചോദിച്ചു .അയാള്‍ കൈമലര്‍ത്തി വാക് ദ്വോരണികള്‍ ഉയര്‍ന്നു പണമുണ്ടാക്കിയപ്പോള്‍ നാട്ടുകാരെ മറന്നു വീട്ടുകാരും കുറ്റപെടുത്തി .ഒരു നിശ്വാസത്തോടെ അയാള്‍ ഓര്‍ത്തു പ്രവാസം എത്ര നല്ലത് പിരിവില്ല പിഴിയലില്ല .യവ്വനം തകര്‍ത്തെറിഞ്ഞ അയാളുടെ ശരീരം അപ്പോള്‍ നന്നേ തളര്നിരുന്നു.    

കൂണുകളില്‍ അലങ്കാര വിസ്മയങ്ങളൊരുക്കി വീട്ടമ്മ

സമ്പാദനം: എഡിറ്റര്‍

മടത്തറ‍: കുമിളുകളില്‍ (കൂണ്‍) കരവിരുതാല്‍ ശലഭങ്ങളും പൂക്കളും കൃഷ്ണനും രാധയുമടക്കമുള്ള ദൈവസങ്കല്പങ്ങളും ഇതള്‍വിടര്‍ത്തുമ്പോള്‍, വീടുകളില്‍ അലങ്കാരവസ്തുക്കളുടെ ശേഖരത്തിലേക്ക് ഒരു പുതിയ സാധ്യത പരിചയപ്പെടുത്തുകയാണ് സരിതാ സുഭാഷ് എന്ന വിട്ടമ്മ. മടത്തറ ഒഴുകുപാറ സ്വദേശിയായ ഇവര്‍ കുമിളുകളെ മനോഹരമായ വര്‍ണ്ണത്തിലും രൂപത്തിലും കരകൗശല വസ്തുക്കളാക്കി മാറ്റുന്നു.മരക്കുറ്റികളിലും അടരുകളിലും പ്രകൃത്യാ ഉണ്ടാകുന്ന കുമിളുകള്‍ തേടിപ്പിടിച്ച് ശ്രദ്ധാപൂര്‍വം കഴുകി വൃത്തിയാക്കി നന്നായി ഉണക്കി പ്രൈമര്‍ പെയിന്റ് ചെയ്തു വയ്ക്കുന്നതാണ് ശില്പനിര്‍മ്മാണത്തിന്റെ ആദ്യഘട്ടം. മൂന്ന്-നാല് ദിവസത്തെ ഉണക്കിനുശേഷം ഭാവനയ്ക്കനുസരിച്ച് ഫ്രാബ്രിക്, ഗ്ലാസ് പെയിന്റുകള്‍ ഉപയോഗിച്ച് പല നിറങ്ങള്‍ നല്‍കുന്നു. നിറം പിടിപ്പിച്ച കുമിള്‍ രൂപങ്ങളില്‍ പിന്നീട് സീക്വന്‍സും മുത്തുകളും മറ്റും ഒട്ടിച്ച് ഉണ്ടാക്കുന്ന കലാരൂപം ടൈല്‍സില്‍ പശ ചേര്‍ത്ത് ഉറപ്പിക്കുന്നതോടെ ശില്പനിര്‍മ്മാണം പൂര്‍ത്തിയാകുന്നു. വീടിനടുത്തുള്ള പറമ്പില്‍നിന്ന് മാസങ്ങള്‍ക്കുമുമ്പ് കിട്ടിയ കൂണുകളില്‍ കൗതുകത്തിന് ചെയ്തുതുടങ്ങിയതാണ് കൂണ്‍ ശില്പനിര്‍മ്മാണം. 'ഗാനോ ഡര്‍മ്മസ്' എന്ന ശാസ്ത്ര നാമത്തിലറിയപ്പെടുന്നയിനം കൂണുകളാണിതിന് ഉപയോഗിക്കുന്നത്. വെള്ളായണി കാര്‍ഷിക കോളേജിലെയും തിരുവനന്തപുരത്തെ കൂണ്‍പുരയിലെയും അധ്യാപകരുടെയും മറ്റും നിര്‍ദ്ദേശങ്ങളും സഹായങ്ങളും കൂണ്‍ ശില്പനിര്‍മ്മാണത്തില്‍ തനിക്ക് ലഭിച്ചിട്ടുണ്ടെന്ന് സരിത പറയുന്നു. യൂണിവേഴ്‌സിറ്റി കോളേജില്‍നിന്ന് മലയാള സാഹിത്യത്തില്‍ ബിരുദാനന്തര ബിരുദം നേടിയ സരിത പട്ടികജാതി വികസന വകുപ്പിന്റെ സഹായത്തോടെ 'അഭിരാമ തീരങ്ങളില്‍' എന്ന തന്റെ പ്രഥമ കവിതാ സമാഹാരവും പുറത്തിറക്കി. ചെറുകഥാ സമാഹാരം പുറത്തിറക്കാനുള്ള തയ്യാറെടുപ്പിലാണ് ചിത്രരചനയിലും താത്പര്യമുള്ള ഈ വീട്ടമ്മ. ഡ്രൈവറായ ഭര്‍ത്താവ് സുഭാഷിന്റെ വരുമാനവും കുട്ടികള്‍ക്ക് ട്യൂഷന്‍ നല്‍കി കിട്ടുന്ന തുകയുമാണ് കൂണ്‍ ശില്പനിര്‍മ്മാണത്തിന് ഉപയോഗിക്കുന്നത്.

Cortesy: Mathrubhumi.com

അന്നത്തെ ട്രെയിന്‍ യാത്ര ..

- അജിന്‍ . പാപ്പനംകോട്

കൊച്ചിയില്‍ നിന്നും തിരുവനന്തപുരത്തിലെക്കുള്ള ഒരു ട്രെയിന്‍ യാത്ര. രാവിലത്തെ കേരള എക്സ് പ്രസില്‍ 2-nd classil ആയിരുന്നു കയറിയത്. ട്രെയിന്‍ പോകുന്ന
ഇരു വശങ്ങളിലും മനോഹരമായ കേരള കാഴ്ചകള്‍ ആയതിനാല്‍ ഡോറില്‍ തന്നെ ഞാന്‍ നിന്നു. Kollam കഴിഞ്ഞപ്പോള്‍ പഴകിയ വസ്ത്രങ്ങള്‍ ഉടുത്ത് ആഹാരം കഴിച്ചിട്ട് 2 ദിവസ്സമായി എന്ന് തോന്നുന്ന ഒരാള്‍ കയ്യില്‍ കുറച്ചു ലോട്ടറി ടിക്കറ്റ്‌ ഉം ആയി എന്റെ അടുക്കലേക്കു വന്നു.

"സാറേ ലോട്ടറി വേണോ നാളത്തെ കേരള" .... അയാളുടെ അവസ്ഥ കണ്ടപ്പോള്‍ ഞാന്‍ അയാള്ക്ക്ം‌ വേണ്ടി ഒരു ടിക്കറ്റ്‌ എടുത്തു. അതിനു ശേഷം അയാള്‍ അവിടെ ഡോറിനു അടുത്തുള്ള തറയില്‍
എന്തോ വിഷമത്തോടെ ഗാഡമായി ചിന്തിച്ചിരുന്നു.

"എന്താണാവോ അയാളുടെ പ്രശ്നം?" ഞാന്‍ ആലോചിച്ചു നില്ക്കുാന്നതിനിടയില്‍ ഒരു പോലീസ് കാരന്‍ അവിടേക്ക് വന്നു."എത്രയ കളക്ഷന്‍ ? എനിക്കുള്ളത് എടുക്ക്". പോലീസ് കാരന്‍ അയാളോട് ചോദിച്ചു
"പടച്ചോനെ പിച്ച ചട്ടിയില്‍ കയ്യിട്ടു വാരുന്നവന്‍ " എപ്പോലോക്കെയോ കേട്ടിട്ടുള്ള ആ പ്രയോഗം ഞാനിതാ ഇവിടെ കാണുന്നു.
ആ ലോട്ടറി ക്കാരന്‍ ദയനീയമായി അയാളെ നോക്കി. "സാറേ ഇന്ന് ഒന്നും കിട്ടിയില്ല 3 ടിക്കറ്റ്‌ മാത്രമേ വിറ്റ് ഉള്ളു".
"കള്ളം ..നിന്റെ സഞ്ചി നോക്കെട്ടെടാ" ... ആ പോലീസ് കാരന്‍
അയാളുടെ കയ്യില്‍ നിന്നും സഞ്ചി പിടിച്ചു വാങ്ങി .കുറെ പരിശോധിച്ചു .ഒന്നും കിട്ടിയില്ല, കുറെ ടിക്കറ്റ്‌ അല്ലാതെ."ഹും ദരിദ്രവാസ്സി" ഒന്നും ഇല്ലാതെ വന്നിരിക്കുന്നു.കൊണ്ട് പോടാ..' അയാള്‍ അത് ലോട്ടറി
കാരന്റെക മുഖത്തേക്ക് വലിച്ചെറിഞ്ഞു. പിന്നീട് അയാള്‍ വേഗത്തില്‍ ഉള്ളിലേക്ക് നടന്നു പോയി.

കഷ്ടം എനിക്ക് വല്ലാത്ത വിഷമം തോന്നി . മനുഷ്യന്‍ മനുഷ്യനെ തിരിച്ചറിയാത്ത നിമിഷങ്ങള്‍ .. ചിന്തിച്ചിട്ട് കാര്യമില്ല. ആ Lottery -കാരന്‍ താഴെ വലിച്ചെറിഞ്ഞ ആ ലോട്ടറി സഞ്ചി യും എടുത്തു
നെഞ്ചില്‍ ചേര്ത്ത് പിടിച്ചു കൊണ്ട് എന്തോ ചിന്തിച്ചിരുന്നു.
വണ്ടി അപ്പോള്‍ വര്ക്കോല റെയില്വേ് സ്റ്റേഷന്‍ നു അടുതെത്തി കാണും . എന്റെ ശ്രദ്ധ വീണ്ടും അയാളിലേക്ക് തിരിഞ്ഞു.അപ്പോളാണ് ഞാന്‍ കണ്ടത് .
അതാ അയാള്‍ ശരീരത്തില്‍ എവിടെയോ ഒളിപ്പിച്ചിരുന്ന നോട്ട് കള്‍ എടുത്തു രസിച്ചു എണ്ണുന്നു.
"ഹമ്പട വീരാ !! നല്ല കളക്ഷന്‍ ഉണ്ടല്ലോ?!!" എന്തായാലും ഉള്ളു കൊണ്ട് എനിക്ക് സന്തോഷമായി.
നോട്ട് എണ്ണുന്നുതിനു ഇടയ്ക്കു അയാള്‍ എന്നെ നോക്കി ഒന്ന് കണ്ണിറുക്കി ചിരിച്ചു കാണിച്ചു. ഞാനും ചെറുതായി ചിരിച്ചു. അയാള്‍ എണ്ണിതീര്ന്ന ശേഷം എന്നോട് പറഞ്ഞു ,
" മോന്‍ ആശുപത്രിയില്‍ വയ്യാണ്ടായി കിടക്കുവാ.. ചികിത്സക്കുള്ള പണം ഉണ്ടാക്കാന്‍ ഇന്നലെ തൊട്ടെ പട്ടിണി കിടക്കുവാ , അപ്പോളാ അയാള്ക്ക് ‌ ബ്രാണ്ടി വാങ്ങിക്കാന്‍ അയാളുടെ ഒരു പിരിവു..എന്താ ചെയ്ക.."

മനസ്സില്‍ എന്തൊക്കെയോ കൂടുതല്‍ പൊട്ടി മുളക്കും പോലെ എനിക്ക് തോന്നി.ആ മകന്‍ കഴിഞ്ഞ ജന്മത്തില്‍ എന്തോ പുണ്യം ചെയ്തിട്ടുണ്ട് മക്കള്ക്ക് വേണ്ടി കഷ്ടപ്പെടുന്ന നല്ലവരായ മാതാപിതാക്കള്ക്ക് വേണ്ടി ഈ അനുഭവ കഥ ഞാന്‍ സമര്പ്പി ക്കുന്നു.

ഒരു അനുഭവം..

- അജിന്‍ പാപ്പനംകോട്

രാജേഷ്‌ ചേട്ടനെ പറ്റി ഓര്‍ക്കുമ്പോള്‍ ....എന്നെ ഈ ജോബിലേക്ക് കൈ പിടിച്ചു കയറ്റിയ ആള്‍ ആയിരുന്നു രാജേഷ്‌ ചേട്ടന്‍ . എന്റെ സീനിയര്‍ ആയി പുള്ളി വര്‍ക്ക്‌ ചെയ്യുകയായിരുന്നു അപ്പോള്‍ .

ഒരു ദിവസം ഞാനും രാജേഷ്‌ ചേട്ടനും മീറ്റിംഗ് കഴിഞ്ഞു തൃശ്ശൂരില്‍ നിന്നും വെളുപ്പിന് 4.30 നു തിരുവനന്തപുരത്ത് എത്തി ബൈക്കും എടുത്തു ഞങ്ങള്‍ വീട്ടിലേക്കു വരിക ആയിരുന്നു. സെക്രട്ടേറിയറ്റ് നു മുന്നില്‍ എത്തിയപ്പോള്‍, ആണ് ഞങ്ങള്‍ അത് കണ്ടത് . ഒരമ്മുമ്മ തലയില്‍ വട്ടിയും ചുമന്നു , കയ്യില്‍ വടിയും ഊന്നി റോഡില്‍ കൂടി നടന്നു നീങ്ങുന്നു.
"ഇതല്ലേ ഏഷ്യാനെറ്റ്‌ ഇല് കാണിച്ച ആ പ്രോഗ്രമ്മിലെ അമ്മൂമ്മ. അപ്പോളാണ് ഞാന്‍ ഓര്‍ത്തത്‌ ഏഷ്യാനെറ്റില്‍ തലേ ദിവസത്തെ "കൌതുക കാഴ്ചകളില്‍" കണ്ടത് , രാവിലെ എന്നും ആരും തുണയില്ലാതെ 80വയസ്സിനു മേലുള്ള 'നാണി' അമ്മുമ്മ രാവിലെ വെറ്റ വില്‍ക്കനായും, സാധനങ്ങള്‍ വില്‍ക്കനായും പേരൂര്‍ക്കട മുതല്‍ പാളയം ചന്ത വരെ കാല്‍ നടയായി നടക്കുന്നു.

അവരല്ലേ ഇത്? രാജേഷ്‌ ചേട്ടന്‍ എന്നോട്ചോദിച്ചു . അതെ ഞങ്ങള്‍ കണ്ട 'നാണി ' അമ്മുമ്മ തന്നെ. അവരുടെ നടത്തവും , വാര്‍ധക്യ കാലത്തെ ഏകാന്തതയും ഞങ്ങളെ വിഷമിപ്പിച്ചു.

കുറെ ദൂരം ബൈക്ക് ഓടിച്ച ശേഷം രാജേഷ്‌ ചേട്ടന്‍ പറഞ്ഞു . എടാ അജിനെ നമുക്കവര്‍ക്ക് വല്ലതും കൊടുക്കാം , നിന്റെ കയ്യില്‍ ഉള്ളതെട് ..

''ഇനി തിരിച്ചു പോണോ?'' ഞാന്‍ ചോദിച്ചു .

ഉം.. നീ ഉള്ളതെട് അവരുടെ നടത്തം കണ്ടിട്ട് സഹിക്കുന്നില്ല.ഞാന്‍ പോക്ക്കറ്റില്‍ നിന്നും 50 രൂപ എടുത്തു രാജേഷേട്ടന്റെ കയ്യില്‍ കൊടുത്തു.
പിന്നെ ഞങ്ങള്‍ സ്പീഡില്‍ വണ്ടി തിരിച്ചു വിട്ടു.കുറെ ചെന്നപ്പോള്‍ പാളയം മാര്‍ക്കറ്റ്‌ ലാക്കാക്കി പുലര്‍ വെളിച്ചത്തില്‍ , അല്ലെങ്കില്‍ വഴിവിളക്കിന്റെ വെളിച്ചത്തില്‍ സ്പീഡില്‍ നടക്കുന്ന 'നാണി' അമ്മൂമ്മയെ ഞങ്ങള്‍ കണ്ടുരാജേഷ്‌ ചേട്ടന്‍ അവരുടെ മുന്നില്‍ ചെന്ന് sudden ബ്രേക്ക്‌ ഇട്ടു . but‌ അത് 'ഇന്‍ ഹരിഹര്‍ നഗര്‍' സിനിമയില്‍ 'ജഗദീഷ്'' ചെന്ന് 'ഫിലോമിന' യുടെ മുന്നില്‍ sudden ബ്രേക്ക്‌ ഇട്ടു ബൈക്ക് നിര്‍ത്തിയ പോലെ ആയിപ്പോയി.

ഞങ്ങള്‍ വീണില്ല എന്നെ ഉള്ളു. ഞങ്ങള്‍ ഭയന്നതിനെക്കാള്‍ കൂടുതല്‍ അവര്‍ ഭയന്നു. എങ്കിലും ഞങ്ങള്‍ ഒരുവിധം ബൈക്ക് ഞങ്ങളുടെ കയ്യും കാലും ഒക്കെ ഉപയോഗിച്ച് മറിയാതെ ഞങ്ങള്‍ സംരക്ഷിച്ചു. വീഴാത്ത സന്തോഷത്തില്‍ രാജേഷ്‌
ചേട്ടന്‍ അവരെ നോക്കി ചിരിച്ചു.

ഇതിനിടക്ക്‌ അവരില്‍ നിന്നും ഒരു നിലവിളിയുണ്ടായി but‌ ബൈക്കില്‍ circus കാണിച്ചു കൊണ്ടിരുന്നതിനാല്‍ ഞങ്ങള്‍ അത് കേട്ടില്ല.

"സമയം കളയാതെ പൈസ കൊടുക്ക്‌ "
ഞാന്‍ പറഞ്ഞു. രാജേഷ്‌ ചേട്ടന്‍ പോക്കറ്റില്‍ നിന്നും ന്റെ ഒരു 100 രൂപ നോട്ടുഎടുത്തു അവര്‍ക്ക് നേരെ നീട്ടി."ഇതാ അമ്മൂമ്മേ "....
""പ്‌ഫ പട്ടി തെണ്ടി മക്കളെ, 80 വയസ്സുള്ള കിളവികളെ പോലും നീയൊക്കെ വെറുതെ വിടില്ല അല്ലെടാ.....
ഇത് പറഞ്ഞു കയ്യിലുള്ള മുട്ടന്‍ വടി ഉപയോഗിച്ച് രാജേഷ്‌ ചേട്ടന്റെ തലക്കിട്ടു നല്ല പോലെ ഒരു അടി കൊടുത്തു .

അടുത്ത അടി വീഴും മുന്‍പേ രാജേഷ്‌ ചേട്ടന്‍ വണ്ടി വളച്ചെടുത്തു അതിനാല്‍ അടി എന്ടെ പിടലിക്ക് വീണു. "സമാധാനമായി" .... ഞാന്‍ വേദനയോടെ പറഞ്ഞു..

അവര്‍ പിന്നെ ഉറക്കെ ബഹളം വക്കുന്നത് കണ്ടു
ഇരുളിലൂടെ ആരൊക്കെയോ ഓടി വരുന്നു.

"വേഗം വണ്ടി വിട് ചേട്ടാ.. " ഞാന്‍ വിളിച്ചു കൂവി.
ഒരിക്കലുമില്ലാതെ സ്പീഡില്‍ അന്ന് രാജേഷ്‌ ചേട്ടന്‍ വണ്ടി ഓടിച്ചു..

ഓടിക്കുന്നതിനിടയില്‍ രാജേഷ്‌ ചേട്ടന്‍ പറഞ്ഞു , ""ഹും, കിഴവിയുടെ അഹങ്കാരം കണ്ടില്ലേ ഐശ്വര്യറായ് ആണെന്നാ വിചാരം ....""
പക്ഷെ അപ്പോള്‍ മറ്റൊരു ചിന്തയാണ് എന്നില്‍ ജനിച്ചത്‌.
"കൊള്ളാം,.. ഈ അവസ്ഥയിലും അവര്‍ അവരുടെ അഭിമാനം കാത്തു സൂക്ഷിക്കുന്നു.
...."നാളയുടെ വഴികാട്ടി .